(مونة) البيت في الأمثال الشعبية الأردنية

الهاشمية نيوز - الأمثال الشعبية الأردنية خاصة والعربية عامة لها بالقلب رونق وجمال وحكمة وبسمة، وقد جمعت مجموعة من تلك الأمثال والتي تتحدث عن الطبخ والمواسم من خضار وفاكهة وبقوليات ومونة الفلاح الأردني والتي استُعملت في تلك الأمثال.

« نبيل عماري «

الخبز الحاف بعرض الكتاف

العز للرز والبرغل شنق حاله

أعطي الخبز لخبازه حتى لو سرق نصه

لاقيني ولا تغديني

خبز وملح بيناتنا

شبعنا حكي

شو بدي اتذكر منك ياسفرجل كل غصة تلجقها غصة

لا تقول عنب ليصير بالسلّة

دمّه متل العسل

ماشي على بيض

بدك تاكل عنب ولا تهاوش الناطور

طنجرة ولاقت غطاها

ما عندي خيار وفقوس

ما بيضحك للرغيف السخن

يا داخل بين البصلة وقشرتها ما بينوبك إلّا ريحتها

بيضا شق اللفت

الأكل على قد المحبّة

زيتون برما داشر وتعيشوا ياهمل

بدل ما تؤكل رز وبيتنجان غطي جسمك العريان

أستكبرها لو أنها عجرة

طعمي الراعي كباب كل يوم بيوقف ع الباب

من محبتك يا كريفوت زرعت منك بستان

أتغدى وتمدى وأتعشى وتمشى

أكل الرجال ع قد فعالها

أكل اللوز حبه حبه

أكلوا ملوخية وصاروا أفندية

شو عرف الحمير بالزنجبيل

في المشمش

إذا فاتك الحصرم بتوكله عنب

لا تقول فول حتى تحط بالعدول

الحمص كل حبة ونص بمية .....

أكله وأنحسبت عليك

عمر القصير ما بيوكل تين

عنب الدروز كل حبه برصاصة

مش كل حمرا لحمة أو هبرة

ما حدا بيقول عن زيته عكر

ع رقبتي الزيت أصلي

حط البرغل وأنفخ تحته ما أضرط من الخال إلا ابن أخته

ضرب الحبيب زبيب وحجارته قطين

إجاك يا بلوط مين يعرفك

بحزيران بستوي المشمش وكل الثمار

بحزيران بينزل المشمش وبيكبر الرمان

في حزيران بتصير الذره مثل الخيزران

في آب اللهاب أقطف عنب ولا تهاب

خبز وزيتون أحسن ما يكون

كول زيت وانطح الحيط عمارة البيت خبز وزيت

ان كان الخبز في البيت فرحت انا وغنيت

رز ولبن عافية ع البدن الدهن في العتاقي

الرايب للحبايب، والزبدة للنسايب،

أيام عنبك وتينك تكتر محبينك،

أوله ع خير وتاليه ع سلامه

ست وجارتين على قلي بيضتين

قلبي من الحامض لاوي

يا مسترخص اللحم عند المرق تندم

يا ما هالجمل كسر بطيخ

مثل خبز الصاج مقلب على الوجهين

أن كان أبوك بصل وأمك ثوم الريحة الطيبة من وين رح تجيك

في آيار توت ومشمش وخيار

الثوم قتال السموم

اللقمة الهنية بتكفي ميه

حباب يا مرقة العدس

الفجل اوله منافع وآخره مدافع

توته توته طلع الفلاح ع التوته

اللي سبق اكل بندق

بصلة المحب خروف

يوم عسل ويوم بصل

البامية سلطانة السفرة

الخبز مخبوز والمي بالكوز

زي الشعير مأكول ومذموم

الفول بيربي العجول

بيطلع من المولد بلا حمص

بطيخ يكسر بعضه

زرعنا لوز طلع بقدونس

كل فوله مسوسه وألها كيال

اللي بتسمطه الشوربه بينقذو اللبن

لوز ما تقشر وجوز ما تكسر وأوكل تتشبع

أكل بندق وألعن الجوز

ما حدا بيقول عن زيته عكر

طبختها على النار وعينها على طبخة الجار

- الصورة من بستاني