عطلوا البلد وجعل ما حدا حوش!

الهاشمية نيوز - عطلوا البلد وجعل ما حدا حوش! لانه احنا عايشين بسويسرا وعنا حكومات بتصرف على الناس وهم قاعدين ببيوتهم! بتعرفوا انه في شركات سياحية أعطت موظفيها اجازة بدون راتب؟ بتعرفوا لما تسكروا الأسواق وتعطلوا الحركة الاقتصادية شو تبعاتها؟ عشان كم واحد مهووس نعطل البلد ونقعد نعيط بعد اسبوعين او شهر بسبب الخسائر المادية! ولا حدا يحكي الصحة اهم من التعليم والاقتصاد! كله مهم، الصحة رح تروح لما ما تلاقي دخل اخر الشهر تصرف على عيلتك، والصحة رح تروح لما تترك شغلك عشان تقعد مع أولادك بعد تعطيل المدارس ورياض الأطفال! التزموا باجراءات التعقيم والنظافة وتخلوا عن عاداتكم السيئة والتزموا منازلكم خارج اوقات الدوام، وفرصة تعرفوا بعض وترجع الأسر تلتم وتتحاور وتسمع بعض! بس بدون هلع وهوس اللي تحول لحرب مصالح بين مراكز القوى في الدولة وبحركوا كم واحد على السوشال ميديا حتى يعززوا فوبيا كورونا.. العالم تحول لمدن أشباح بسبب هوسكم.
انظفوا تسلموا.



اسلام صوالحه