شباط في الأمثال الشعبية

الهاشمية نيوز - نبيل عماري
شباط الخباط ماعليه رباط
* سأل آذار شباط شلون تركت الناس ؟
* شباط الخباط بشبط وبخبط وريحة الصيف فيه
* شباط عدو العجائز
* وبقول شباط لـ أذار (( آذار يا ابن عمي أربعة منك وثلاثة مني وياويلك ياعجوز السوء مني ))
* قمح شباط ما بيملّي الرباط
* شباط جر العنزة بالرباط
* برد شباط بيمنع الجراد
* راح شباط الغدار .. وإجا آذار الهدار
* سرحنا أول شباط ع زراعة العنبات
* بشباط لم البيض من عالبلاط
* شمس شباط بتعلم عالبلاط
* شباط يا خالو لا يغرك اعتدالو،
* شباط لطيف ودمو خفيف.‏
* قلنا شباط أيامو سعود تاري شباط سلاّخ الجلود
* كلامو متل شباط ما عليه رباط،
* قلو يا شباط ليش ما بتجي بتموز؟ قلو: كل شيء بوقتو حلو.
* راح العاقل كانون وإجا شباط المجنون
* أول عشرة من شباط لف العجوز بالبساط
* بين شباط وآذار تأخرت كتير يا زارع الأشجار.‏
* بين شباط وآذار بتفضى الجرار،
* في شباط يعرق الأباط