الفساد الأردني علامه تجاريه مسجله

الهاشمية نيوز - كتب أحدهم :
الكهربجي والميكانيكي اللي بتصلح سيارتك عندهم بغشوك وبوخذو منك اضعاف، الموسرجي بضحك عليك وبدفعك 10 دنانير ثمن "جلدة"، الطبيب الخاص ببيعك للمختبرات وللاشعة ولزملاؤه الاختصاصين (عن تجربة)، الصيدلاني بحكيلك الدواء مقطوع عشان يبيعك البديل الاجنبي باهظ الثمن، الفلاح بحط الخضار أو الفواكه الكويسة على وجه البكسة، والثاني بغش زيت الزيتون، سائق التاكسي بلعب في العداد، اللحام ببيعك المستورد على إنه بلدي، المراسل في الدوائر الحكومية بوخذ منك 5 ليرات عشان يمشيلك معاملتك بسرعة، شركات الإتصالات بتضحك عليك في سرعة الإنترنت، وكل هاظا وبنحكي عن فساد الحكومات... إحنا الفاسدين
ولا تنسوا اللي بطلقوا لحاهم وبحطوا قرآن في محلاتهم عشان يستهبلوك بكل سهولة.
بعدين تعال جاي يللي بتحكي عن الفساد، لو جاء تعيينك في إحدى الهيئات المستقلة براتب 3500 دينار، هل سترفض وتقول: انا لا أستحق هذا الراتب؟
مكافحة الفساد في الاردن تنطبق عليها أغنية أحلام: واللي ما يطول العنب حامضن عنه يقول.... نعيب زماننا والعيب فينا وما لزماننا عيب سوانا.
صباحكم الله بكل الخير