أكرم حسني يلجأ للقضاء بسبب مطربي المهرجانات

الهاشمية نيوز - اتهم الفنان المصري أكرم حسني، بعض مطربي المهرجانات الشعبية بسرقة أعماله الفنية، مؤكداً أنها ليست المرة الأولى .

وكتب أكرم على صفحته عبر "فيسبوك": "الحقيقة دي مش أول مرة أتعرض فيها لسرقة شغلي، بس الموضوع وصل لحد ما يتسكتش عليه".

وتابع: "أنا مش ضد أي شكل من الأشكال الفنية طالما بتتقدم في إطار من الاحترام للمهنة وللمجتمع لكن أنا ضد كل أشكال التعدي على حقوق الملكية الفكرية وسرقة مجهود وتعب ناس قعدت كتير أوي تشتغل".

ونشر أكرم أغنيته الأصلية والأغاني المسروقة، وقال: "عملت أغنية دعائية لمسلسلي الأخير في رمضان اللي فات اسمها بالباقي لبان من كلماتي ولحن بلال سرور وتوزيع كينج واتفاجأت من يومين إن تم سرقة لحن الأغنية واتعمل عليها مهرجانين واحد اسمه هلا والله وواحد اسمه خد فطيرك".

واستطرد: "دي مش أول مرة أبقى عامل أغاني سواء من ألحاني أو من ألحان زمايلي المحترمين اللي بتعامل معاهم ويتسرق اللحن ويتعمل بيه أغاني".

وأضاف أكرم: "ودي سرقة صريحة تستوجب اتخاذ إجراءات قانونية وعليه بيتم حاليًا اتخاذ كافة الإجراءات القانونية اللي تحفظ حقي وحق زملائي الملحنين ضد اللي سرقوا الأغنية لوقف المهزلة دي".

واختتم أكرم حسني منشوره قائلاً: "أكيد في ناس هتقوللي انت ليه بتعمل شير للأغاني المسروقة انت كده بتساهم في انتشارها، أحب أقولكم الأغاني دي كده كده بتنتشر لإن ليها جمهورها سواء عملت لها شير أو لا".

يُذكر أن مسلسل "رجالة البيت" عُرض في رمضان الماضي وقام ببطولته أحمد فهمي وأكرم حسني وويزو، وبيومي فؤاد ولطفي لبيب وعارفة عبد الرسول، وعددًا من ضيوف الشرف.