مهزلة جديدة .. والضحية متحف الدبابات الملكي ..

الهاشمية نيوز - ايمان العكور :مهزلة جديدة..والضحية متحف الدبابات الملكي..

مو معقولة اللي بصير .. وكأنه في برنامج ممنهج لتسخيف كل الرموز الوطنية وكل ما يتعلق بتراثنا..
ابتداءا من البرامج الكوميدية التافهة اللي كلها مسخره على لهجاتنا وعاداتنا بحجة انه بدهم يثقفوا الناس فيها..
وانتهاءا اليوم بتدنيس معلم وطني له رمزية خاصة انشئ ليكون موقع فخر واعتزاز بالقوات المسلحه ويحتوي على تاريخ المملكة وتحياتي أبطال دافعوا عن

متحف الدبابات الملكي..اللي بني ليبرز تضحيات المتقاعدين العسكريين وبطولاتهم، ودور الأردن وقواته المسلحة كدرع للوطن، ودور دروع الجيش العربي في الذود عن ثرى الوطن والأمة.

متحف الدبابات الملكي صار للأسف اليوم مسرح لمجموعة من التافهين ( أبطال الكرتون / السوشال ميديا) حتى ينطوا ويصرخوا ويسبوا من على ظهر الدبابات اللي حملت أبطال ضحوا بدمهم من أجل الوطن..
برنامج مسابقات تافه سخيف..شباب وصبايا بعضهم لابس زي القرد ويصرخوا وبلعبوا ببحثوا عن الكنز بين اروقة المتحف الملكي.. ونكات مخزية وعويل كان بمثابة رصاصة غدر لكل جندي اردني..

المسؤول عن هذه المهزلة لازم يتعاقب باسم الوطن كله..وبإسم كل الشهداء اللي استخدموا هالدبابات والسيارات العسكرية ودافعوا عن فلسطين والوطن ..
اللي وافق على السماح بتصوير هيك برنامج معيب داخل هذا المكان هو عدو يهمه تشويه صورة رموزنا..
فعلا شي بخزي..ابطال الكرتون اللي دخلتوهم المتحف يلعبوا فيه..بمثلوكم وحدكم..
عظم الله اجرك يا وطن..