أردنيون : بدكم تاخدوا رواتبنا وتصرفوا علينا

شهدت مواقع التواصل الاجتماعي العديد من ردود الفعل فور إعلان وزير الصناعة والتجارة المهندس يعرب القضاة في مؤتمر صحفي عن تسعيرة الخبز بأصنافه المتعددة.

ألما جود المحاميد كتبت بأنه لا يوجد فرص عمل للجميع، لقولها هوي الغلاء على الخبز بس حسبي الله ونعم الوكيل فيكم عمركم ما بتشبعو .. ما بتروح إلا على الفقير الغلبان الي مش لاقي لقمة أكل.. وبكفي البطالة بالبلد لا فيها شغل ولا مشغله.

وفاء خالد كتبت بأنه لا يجب الهدر في الخبز الخبز شيء أساسي بالشرق الأوسط وسعره بمتناول الجميع بس صح كلامه في هدر بشراء الخبز بنشتري وبنكوم وبالآخر الناس تشتري فريش وترمي وتكب القديم

لازمممم نشتري ع قدنا هاي الحكييي المزبوط .

نازك البدور دعت الله أن يحفظ الأردن اللهم احفظ هذا البلد امنا مطمئنا ...يا رب احفظ اردنا من كل فاسد وكاذب واكل اموال شعب منهم لا يستطيع شراء الخبز ببريزة او بدون ... لا حول ولا قوة الا بالله العلي العظيم

تهاني يوسف تساءلت "بدكم تاخدوا رواتبنا وتصرفوا علينا؟" ش رايكم توخدو رواتبنا وتصرفو علينا بطل بالرواتب بركه كل شي رفعتوه خففو من رواتبكم ضل هالخبز اللي تحججتو فيه رح تعطونا دعم كم شهر وبعدين تبطلو كعادتكم

قصي شاهر بين أن العمالة الوافدة تدفع ما عليها للحكومة من ضرائب ورسوم الوافدين بتوخذ منهم دخوليه وبتوخذ خروجيه وبتوخذ منهم بدل اقامه يعني دافعين هاي الضرايب قبل ما يوكلوا رغيف خبز واحد الشغله

صار بدها شوية حيّا ذليتوا الأردنيين ذُل

علي بني مصطفى تساءل لماذا لا يتم تطبيق ما يرد في خطاب العرش السامي لو بتهمكوا كرامة المواطن ما بترفعوا الأسعار ليش ما بطبقوا خطاب العرش السامي إذا بتحكوا عن الارادة الملكية. ليش ما ترفعوا الرواتب ثقه بكم ما فيه خافوا الله

ليث حتر اعتبر أن هذه القرارات تدل على عجز الحكومة عن ايجاد حلول ياريتكم بتتبعو نهج الدول الاخرى بلشغلات المنيح مثل شبكه مواصلات عامه زي العالم والنَّاس. بس انتو شاطرين باي شي يضر المواطنين

لأنكم حكومه عاجززززززه عن إيجاد اَي حلول.

وليد ابو الجمال حذر من الخطوات القادمة اليوم الخبز وبكره الله يعلم شو المصيبه الي بحضروها واي سعاده يا معالي الوزير وانتو تنظرو علينا دون النظر الى اوضاع الناس المعشيه ... اهلا حكومه!!!!!

حنا ابو هزيم بين أنه الحل تحضير الخبز في المنازل يزم احسن حل نرجع متل زمان وكل واحد يخبز خبزاتو في البيت وجميلتكم ع حالكم

الخنساء ابو عنزة طالبت بمنح الوزراء دعم لقولها ع طوفتك في دعم للوزرا والنواب لانه حرام رواتبهم ما بتكفي

ريناد يعقوب استشهدت فيما فعلته السعودية من تعويض المواطنين بدل رفع الاسعار اتعلموا من السعوديه رفعت كل شي عناس الا على السعودي اعطوه تعويض بدل غلاء معيشه