جدل بعد تعيين خبيرة اتيكيت لبنانية في منصب كبير في الملكية الأردنية

الهاشمية نيوز - قرر المدير العام والرئيس التنفيذي لشركة الملكية الأردنية ستيفان بيشلر تعيين اللبنانية جورجينا ابراهيم في منصب مديرة تنفيذية للخدمات الجوية في الشركة بحيث تتبع مباشرة لرئيس دائرة العمليات الجوية والخدمات الكابتن غسان عبيدات .
و السيدة جورجينا تتمتع بخبرة كبيرة في مجال ادارة المشاريع التدريبية وكذلك مجال الاتيكيت وأصوله وقامت بتقديم برامج تليفزيونية بهذا الشأن لتعليم الناس المهارات السلوكية وفن الاتيكيت وكيفية التصرف حسبما تم الاعلان عنه في الخبر المنشور على موقع الملكية الالكتروني .
وأثار قرر تعيين السيدة جورجينا في الملكية وبراتب كبير موجة من الجدل والاحتجاجات والتعليقات على مواقع التواصل الاجتماعي ، خاصة وان الملكية تعاني من الخسائر المتواصلة منذ سنوات .
تعليقات الاردنيين على الخبر تاليا بعضها:
* #رأيكم
#اليس_هذا_است…راط_للكفاءات_الأردنية ؟؟
الملكية الاردنية ..موازنتها من جيب المواطن والتوظيف للأجانب..!!!
* ألا يوجد اردنيات بالبلد ،،،
* على اساس المشاريع كلها اردنية اللي مستلمها شركه فرنسيه لا جديد عليهم انهم يسلموا اللي بدهم ايه ومديرها فرنسي ..الفرع صغيره مستلمينها عيال ابوهم منهم ابن الملقي
* يا جماعه أغلب المؤسسات الربحيه تم بيعها على أساس خصصه …. اي انها ليست ملك الحكومه ولا ملككم ….فلذلك لا داعي الزعل فهي بيعت وخصصت من اكثر من عشرة أعوام وانتم نايمين
* ما بتعمل مشكل النا لو حكينا انها شاطره في
عمل التبوله البنانيه
* ليه من غير شر خلصوا الزلم والنسوان من الاردن حتى نستورد من لبنان
* ول كل الاردن ما لقو واحد او وحده يحطوه لحتى جابوا لبنانيه يا حصرتي بس
، اه صح ما نحنا بنحب كل شي مستورد
* قلة خبرات في الاردن والا هاي كفاءه فيش منها بالاردن يا حرام يا وطن
* ياهملالي عجول البلد انقرضت بنستعين من الخارج حتى نحرث البلاد الشتويه على الابواب
* الملكية بعد الخصصة اصبحت شركة خاصة ومن حقهم تعيين اي شخص لديهم فالموضوع عادي للامانة والحق على الحكومة لو وضعت شروط بنسبة توظيف الأردنيين مثل باقي الدول
* يعني ، ألا يوجد أردني أو اردنية لملء هذا الشاغر ؟؟؟
متى نخلص من الفساد والفاسدين؟
* ليش مآ عندنا نساء ولا شباب ذوء كفائه ؟ ؟ ؟ ؟ ؟
والله لو فيه رئيس وزراء عنده حرص ع البلد واهله واستقرار الأردن لاحال المعنين مكافحة الفساد وقدم استقالته بعد ذلك ؟ ؟ ؟ ؟ ؟
* صح السانك ضيف ومعاه سيف والكل اكل الوطن ونهبه وأكلوا قوت الشعب وشحدوه الملح الله يستر من تواليها
* ممتاز قرار ممتاز لانه احنا الحمدلله ماعندنا اردنيين ولا اردنيات مناسبين مبارك
* بنات الاردن على الكازيات…والملكيه بدها لبنانيات…كفاءه .
* شوفولنا عقد عمل في الصومال بدهم اردنية هناك
*سؤال يطرح نفسه هل تخلو الأردن من الشباب والخبرات ليتم تعيين أشخاص من خارج الوطن !!!!
*ايش بدي احكي غير الف الف مليوووون مبروووك المنصب الجديد والله بتستاهلي وان شاء الله منها للاعلى يارب